సీతగా అనుష్క శర్మ దాదాపు ఖరారైందని బాలీవుడ్ మీడియా
Admin 2020-09-11 23:22:41 entertainmen
ఆదిపురుష్ చిత్రంలో ప్రభాస్ రాముడిగా, సైఫ్ అలీఖాన్ లంకేశ్ గా నటిస్తున్నారు. అయితే, సీత పాత్ర విషయంలోనే రకరకాల పేర్లు వినిపిస్తున్నాయి. ఈ క్రమంలో తాజాగా అనుష్క శర్మ దాదాపు ఖరారైందని బాలీవుడ్ మీడియా కూడా వార్తలు ఇస్తోంది. అనుష్కను ఇటీవల దర్శకుడు ఓం రౌత్ కలసి కథ, ఆమె పాత్ర గురించి వివరించి చెప్పాడని, ఆమె హ్యాపీగా ఒప్పుకుందని అంటున్నారు. అనుష్క ఇప్పుడు ప్రెగ్నెంట్ కదా? ఆమె ఎలా ఒప్పుకుని వుంటుంది? అన్న డౌట్ మనకు రావడం సహజం. అది నిజమే.. అనుష్కకు జనవరిలో డెలివరీ అవుతుంది. ఈ విషయాన్ని కోహ్లీ ఇప్పటికే ప్రకటించాడు. ఇక 'ఆదిపురుష్' సినిమా షూటింగ్ కూడా జనవరిలోనే మొదలవుతుంది. ముందుగా ప్రభాస్, ఇతర తారాగణంపై సన్నివేశాల భాగాన్ని పూర్తిచేస్తారట. డెలివరీ అయిన రెండు నెలల తర్వాత తాను షూటింగుకి రెడీ అయిపోతానని అనుష్క చెప్పిందట. సో.. ఆ ప్రకారం ఆమె షూటింగును ప్లాన్ చేస్తారని అంటున్నారు.