నితిన్ కూడా ఈ రోజు తన 'రంగ్ దే' చిత్రం షూటింగును హైదరాబాదులో మొదలెట్టాడు
Admin 2020-09-23 22:25:11 entertainmen
యంగ్ హీరో నితిన్ కూడా ఈ రోజు తన 'రంగ్ దే' చిత్రం షూటింగును హైదరాబాదులో మొదలెట్టాడు. వెంకీ అట్లూరి దర్శకత్వంలో నితిన్, కీర్తి సురేశ్ జంటగా రూపొందుతున్న ఈ చిత్రానికి సంబంధించిన కొంత భాగం షూటింగ్ గతంలోనే జరిగింది. అయితే, కరోనా నేపథ్యంలో లాక్ డౌన్ విధించడంతో గత ఆరు నెలలుగా ఈ షూటింగ్ కూడా మిగతా వాటిలానే ఆగిపోయింది. ఇప్పుడు అన్ని జాగ్రత్త చర్యలూ తీసుకుని షూటింగ్ తిరిగి ప్రారంభించామని' చిత్ర నిర్మాణ సంస్థ సితార ఎంటర్ టైన్ మెంట్స్ సోషల్ మీడియా ద్వారా ప్రకటించింది. సంక్రాంతికి చిత్రాన్ని తప్పకుండా థియేటర్లలో విడుదల చేస్తామని కూడా వెల్లడించారు.