హిమాచల్ ప్రదేశ్ లోని మనాలిలో నాగార్జున షూటింగ్
Admin 2020-10-21 15:54:13 entertainmen
ప్రభాస్, పూజ హెగ్డే గత కొన్ని రోజులుగా 'రాధేశ్యామ్' సినిమా కోసం ఇటలీలో షూటింగ్ చేస్తున్నారు. త్వరలోనే నితిన్, కీర్తి సురేశ్ కూడా 'రంగ్ దే' షూటింగ్ కోసం ఇటలీ వెళ్లనున్నారు. నాగార్జున నటిస్తున్న చిత్రం షూటింగ్ కూడా హిమాచల్ ప్రదేశ్ లోని మనాలిలో జరుగుతోంది. నాగార్జున హీరోగా అహిషర్ సోలోమన్ దర్శకత్వంలో 'వైల్డ్ డాగ్' పేరిట ఓ యాక్షన్ థ్రిల్లర్ రూపొందుతున్న సంగతి తెలిసిందే. ఈ చిత్రం షూటింగ్ కోసం ప్రస్తుతం నాగార్జున మనాలిలో వున్నారు.ఈ చిత్రంలో నటిస్తూనే నాగార్జున మరోపక్క 'బిగ్ బాస్ 4' సీజన్ కి హోస్ట్ గా వ్యవహరిస్తున్నారు.