18 దేశాలలో మళ్లీ విడుదలవుతున్న "దిల్వాలే దుల్హనియా లేజాయేంగే "
Admin 2020-10-23 15:12:13 entertainmen
'దిల్వాలే దుల్హనియా లేజాయేంగే' (డీడీఎల్జే) చిత్రానికి బాలీవుడ్ సినిమాలలో ఓ ప్రత్యేకత వుంది. 1995లో విడుదలైన ఈ చిత్రం బాక్సాఫీసును ఊపేసింది. నాలుగు కోట్ల బడ్జెట్టుతో నిర్మించిన ఈ చిత్రం ఇండియాలో 89 కోట్లు వసూలు చేయగా, విదేశాలలో 14 కోట్ల వరకు వసూలు చేసి అప్పట్లో పెద్ద రికార్డు కొట్టింది. ముంబైలోని మరాఠా మందిర్ థియేటర్ లో బ్రేక్ అన్నది లేకుండా ఇరవై ఏళ్లకు పైగా ఈ చిత్రం ప్రదర్శితమైందంటే దీనికి లభించిన ప్రేక్షకాదరణను మనం అర్థం చేసుకోవచ్చు. ఈ చిత్రం విడుదలై 25 ఏళ్లు పూర్తయిన సందర్భంగా ఇప్పుడీ చిత్రాన్ని 18 దేశాల్లో మళ్లీ రిలీజ్ చేస్తున్నారు.