అక్కినేని సమంత కొత్త జర్నీ మొదలు
Admin 2020-08-25 13:23:41 entertainmen
స్టార్ హీరోయిన్‌గా సినీ ప్రేక్షకుల హృదయాల్లో స్థానం సంపాదించుకున్న సమంత ఇప్పుడు ఎడ్యుకేషన్ రంగంలోకి కూడా అడుగు పెట్టబోతుంది. తన ఫ్రెండ్స్, ఫ్యాషన్ డిజైనర్ శిల్పారెడ్డి, ఎడ్యుకేషనిస్ట్ ముక్తా ఖురానాతో కలిసి ‘ఏక్కం’ అనే ప్రీ-స్కూళ్లను జూబ్లీహిల్స్‌లో ప్రారంభించిందట సమంత. అధికారికంగా సామ్ ట్వీట్ చేసింది. కోవిడ్ మహమ్మారి ప్రభావం లేకపోతే ఈ పాటికే ఈ ప్రీ స్కూల్ స్టార్ట్ అయ్యేదట. జీవితానికి బలమైన పునాదులు వేయడంలో విద్యార్థులకు సాయమందించడానికి.. విద్యా విధానంలో సరికొత్త ఆవిష్కరణ, నైపుణ్యాన్ని తీసుకురావాలనే ఉద్ధేశంతో ఈ ప్రీ-స్కూల్ ఏర్పాటు చేసినట్లు సమంత తెలిపింది.