ఇక ఐపీఎల్ లో కనిపించని వాట్సన్ మెరుపులు

Admin 2020-11-02 21:07:13 entertainmen

వాట్సన్ వయసు 39 ఏళ్లు. ఐపీఎల్ లో చెన్నై జట్టు విజయాల్లో వాట్సన్ పాత్ర కీలకం. వాట్సన్ శుభారంభం అందించిన అనేక మ్యాచ్ లలో సూపర్ కింగ్స్ విజయభేరి మోగించారు. ముఖ్యంగా 2018 ఐపీఎల్ సీజన్ ఫైనల్లో 57 బంతుల్లోనే 117 పరుగుల ఇన్నింగ్స్ వాట్సన్ కెరీర్ లో ఓ ఆణిముత్యంలా నిలిచిపోతుంది. ఐపీఎల్ లో వాట్సన్ మొత్తం 3,874 పరుగులు చేసి, బౌలింగ్ లో 92 వికెట్లు తీశాడు.

తన రిటైర్మెంటు నిర్ణయాన్ని వాట్సన్ అధికారికంగా ప్రకటించకపోయినా, సూపర్ కింగ్స్ యజమానులకు తెలియజేసినట్టు సమాచారం. ఈ సీజన్ లో 11 మ్యాచ్ లు ఆడినా, స్థాయికి తగ్గ ఇన్నింగ్స్ ఒక్కటీ లేకపోవడంతో వాట్సన్ రిటైర్మెంటు నిర్ణయం తీసుకున్నట్టు అర్థమవుతోంది.