జనవరి 14వ తేదీన భారీ రిలీజ్ : రాధే శ్యామ్
Admin 2021-08-14 23:11:12 ENT
ప్రభాస్ - పూజ హెగ్డే జంటగా 'రాధేశ్యామ్' సినిమా రూపొందింది. యూవీ క్రియేషన్స్ బ్యానర్ పై ఈ సినిమా భారీ బడ్జెట్ తో నిర్మితమైంది. పునర్జన్మలతో ముడిపడిన ప్రేమకథగా ఈ సినిమా సాగుతుందని అంటున్నారు. విడుదలపై రోజుకో ప్రచారం జరుగుతూ ఉండటంతో, సంక్రాంతి కానుకగా జనవరి 14వ తేదీన ఈ సినిమాను విడుదల చేయనున్నట్టుగా మేకర్స్ ప్రకటించారు. అయితే అప్పటివరకూ ఈ సినిమాను గురించి అంతా మాట్లాడుకునేలా చేస్తూనే ఉండాలి. ఆ ప్లానింగ్ ప్రకారం వచ్చే నెల నుంచే కొత్త పోస్టర్లు వదలడం మొదలు పెడతారట. ఆ తరువాత .. టీజర్లు .. ట్రైలర్లు .. మేకింగ్ వీడియోలు .. పండుగ సందర్భంగా స్పెషల్ వీడియోలు అందిస్తూ వెళతారు. ఫస్టు సింగిల్ ను మాత్రం ప్రభాస్ పుట్టిన రోజు సందర్భంగా రిలీజ్ చేయనున్నారని చెప్పుకుంటున్నారు. ఈ సినిమాలో కృష్ణంరాజు .. భాగ్యశ్రీ కీలకమైన పాత్రలను చేసిన సంగతి తెలిసిందే.