వివాదాస్పదమవుతున్న 'ఆర్ఆర్ఆర్' టీజర్
Admin 2020-10-24 19:56:13 entertainmen
తారక్ పోషిస్తున్న గోండు వీరుడు కుమ్రం భీమ్ కు సంబంధించిన టీజర్ ను విడుదల చేసిన సంగతి తెలిసిందే. ఈ టీజర్ లో కుమ్రం భీమ్ ముస్లిం టోపీ ధరించినట్టు చూపెట్టారు. కుమ్రుం భీమ్ కు టోపీ పెట్టడంపై ఆదివాసీలు తీవ్ర వ్యతిరేకతను వ్యక్తం చేస్తున్నారు. కుమ్రుం భీమ్ ప్రాంగణంలో ఉన్న ఆయన విగ్రహానికి కుమ్రుం భీమ్ యువసేన నేతలు క్షీరాభిషేకం చేశారు. ఈ సందర్భంగా వారు మాట్లాడుతూ చిత్ర యూనిట్ పై తీవ్ర ఆగ్రహం వ్యక్తం చేశారు. నిజాం నిరంకుశ పాలనకు వ్యతిరేకంగా పోరాడిన యోధుడు కుమ్రుం భీమ్ అని... ఆయన చరిత్రను పూర్తిగా అర్థం చేసుకుని సినిమా తీయాలని రాజమౌళికి చెపుతున్నామని అన్నారు. ఇష్టం వచ్చినట్టు సినిమా తీస్తూ, ఆదివాసీల మనోభావాలను దెబ్బతీయవద్దని చెప్పారు.