కృతి శెట్టి బర్త్ డే స్పెషల్ గా!
Admin 2021-09-21 01:59:11 ENT
కృతి శెట్టికి ఉన్న క్రేజ్ .. ఫాలోయింగ్ అంతా ఇంతా కాదు. తొలి సినిమాతోనే అందంతోను .. అభినయంతోను ఆమె కట్టి పడేసింది. ఈ మధ్య కాలంలో యూత్ ను ఇంతగా ప్రభావితం చేసిన కథానాయిక రాలేదు. కృతి శెట్టి పుట్టిన రోజు .. ఈ సందర్భంగా నాని జోడీగా ఆమె చేసిన 'శ్యామ్ సింగ రాయ్' సినిమా నుంచి స్పెషల్ పోస్టర్ ను వదిలారు. విభిన్నమైన కథాకథనాలతో రూపొందిన ఈ సినిమాకి, రాహుల్ సాంకృత్యన్ దర్శకత్వం వహించాడు. సుధీర్ బాబు సరసన నాయికగా, ఇంద్రగంటి దర్శకత్వంలో 'ఆ అమ్మాయి గురించి మీకు చెప్పాలి' చేస్తోంది. ఈ సినిమా టీమ్ కూడా ఆమెకి బర్త్ డే విషెస్ తెలియజేసింది. రామ్ జోడీగా కృతి శెట్టి ఒక సినిమా చేస్తున్న సంగతి తెలిసిందే. లవ్ అండ్ మాస్ యాక్షన్ ఎంటర్టైనర్ గా రూపొందుతున్న ఈ సినిమాకి లింగుసామి దర్శకత్వం వహిస్తున్నాడు. ఈ సినిమా నుంచి కూడా కృతి శెట్టి బర్త్ డే పోస్టర్ వదిలారు. మొత్తానికి ఈ రోజంతా కృతి శెట్టి పోస్టర్లతో సోషల్ మీడియా వేడెక్కిపోతోంది.